Heading 1

චිත්‍රපට උළෙලකට ඔබේ නිර්මාණය ඉදිරිපත් කිරීමේදී දැනගත යුතු මූලික කරුණු

අදාළ කොන්දේසි - වාර්ථා චිත්‍රපට උළෙලකට ඔබේ නිර්මාණය ඉදිරිපත් කිරීමට පෙර අදාල කොන්දේසි හොදින් විමසන්න මක්නිසාද යත් තෝරාගත් උළෙලවල් කිහිපයක ඔබේ නිර්මාණය ප්‍රසිද්ධ මාධ්‍යයක ප්‍රදර්ශනය කර ඇත්නම් එය බාරගන්නේ නැත.

(sundance film festival ) එම නිසා ඔබේ වාර්ථා චිත්‍රපටය youtube හෝ Vimeo හී Uplord කළ පසු Password Protect කිරීමට වග බලාගන්න .

නිර්මාණයේ ගුණාත්මකභාවය - ඔබේ වාර්ථා චිත්‍රපටයේ අවසන් නිෂ්පාදනය ලබාගත හැකි ඉහළම ගුණාත්මක තත්ත්වයෙන් ලබාගන්න (h.264 codec)

ඔබට ලැබෙන ප්‍රතිලාභ - ජාතික හෝ අන්තර්ජාතික චිත්‍රපට උළෙලවල් හරහා ඔබට ලැබෙන අවස්ථාවන් මොනවාද? උදාහරණ ලෙස ඔබට තවත් නිර්මාණයක් කිරීමට මුදල් ත්‍යාග ලැබෙනවාද ? වැඩමුළු වලට සහභාගි වීමට ලැබෙන අවස්ථාවන්,වෙනත් රටක උළෙල පැවැත්වෙනවානම් නම් එම රටට යාමට සහ නවාතැන් පහසුකම් සදහා ඔවුන් දායකත්වය දක්වනවාද  අදී යන වග.

වාර්ථා චිත්‍රපට උළෙලවල් හා ඔබ සම්බන්ධ විය යුත්තේ ඇයි?

ඔබ කවුද යන වග පෙන්වීමට - චිත්‍රපට උළෙලවල් හා සම්බන්ධ වීමේදී ඔබට ලැබෙන ප්‍රධාන ප්‍රතිලාභයක් නම් ඔබව ක්ෂේත්‍රයට නිරාවරණ වීම.විචාරකයන්,ප්‍රේක්ෂකයන් ඔබේ නිර්මාණය ගැන අදහස් ඉදිරිපත් කරාවී. ඔවුන් ඔබව දිරිමත් කරාවී සමහර විට විවේචනය කරාවී ඒ සෑම දේකින්ම ඔවුන්ගේ මනසේ ඔබගැන ප්‍රතිරූපයක් සාදාගනීවී.

ජාලයක් සකස් කරගැනීම - සිනමාකරුවන්,නිෂ්පාදකවරුන්, විචාරකයන් සහ ක්ෂේත්‍රයේ ප්‍රවීණයන් සමග ශක්තිමත් ජාලයක් සදාගැනීම

සම්මාන - ඔබේ නිර්මාණය සම්මාන දිනාගන්නා විට එය ඔබේ චිත්‍රපටය ප්‍රවර්ධනය කිරීමට යොදාගත හැක.තවද ඔබේ  නිර්මාණය දෙස් විදෙස් සිනමා උළෙලවල් හී නිර්දේශ වී ඇතිවිට ප්‍රේක්ෂකයන් එය  නැරඹීමට විශේෂ උනන්දුවක් දක්වනු ඇත.

විදින්න - ඔබේ නිර්මාණය විශාල ප්‍රේක්ෂකයන් පිරිසක් ඉදිරියේ ප්‍රදර්ශනය වීම.ඔබේ මහන්සිය ,කැපවීම , අවසානයේ ජයග්‍රහණය කර ඇති අයුරු